Debatet brenda shtëpisë së “Big Brother VIP Albania” duket se kanë kaluar kufijtë e zakonshëm këtë herë, pasi një përplasje mes dy banorëve ka degraduar në kontakt fizik, duke shkelur një nga rregullat kryesore të formatit.
Protagonistët e incidentit janë Rogerti dhe Gimbo. Mes tyre ka pasur një debat të fortë verbal, i cili është përshkallëzuar.
Sipas pamjeve që janë transmetuar dhe që po qarkullojnë në rrjetet sociale, Gimbo i është afruar shumë pranë Rogertit gjatë debatit, duke i qëndruar përballë në distancë shumë të afërt.
Në kulmin e nervozizmit, Rogerti reagoi duke i goditur dorën Gimbos me forcë, një veprim që konsiderohet shkelje e rregullit të tolerancës zero ndaj dhunës fizike brenda shtëpisë.
Një situatë e ngjashme është regjistruar edhe më parë në këtë sezon, kur Marko goditi dorën e Shendritit gjatë një debati të ashpër. Në atë rast, “Vëllai i Madh” vendosi përjashtimin e menjëhershëm të Markos nga gara./ Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
