Të infektuarve me Covid-19 u mohohet e drejta për të votuar. Më 25 prill asnjë prej tyre nuk do të lejohet t’u drejtohet qendrave të votimit.
Kryetari i KQZ e kishte paralajmëruar javën e kaluar, kryeministri Edi Rama e përforcoi sot në konferencën e perjavshme me gazetarët.
“Do bëjmë të njëjtën gjë që kanë bërë vendet e tjera, që për ata të cilët janë të testuar pozitivë, e nuk janë negativizuar nuk bëhet fjalë fare duhet të qëndrojnë në shtëpi, ata duhet të vetëkarantinohen etj. E kemi parë këtë, është e vërtetë, ky shqetësim e kjo është ajo që kanë bërë vendet e tjera, se ka pasur zgjedhje e do ketë në këtë kohë pandemie e kështu është vepruar” u shpreh kryeministri.
Shqipëria ka rreth 1 mijë të infektuar në ditë dhe nga një përllogaritje e thjeshtë rezulton se të nga 10 në 14 mijë persona nuk do të lejohet të votojnë të dielën e 25 prillit. ©Zoom.al
