Residenca përfshin 3 pallate masive, disa dhjetra mijëra metër katrorë sipërfaqe ndërtimi. Ai do të paguante për këtë projekt 1 milionë euro te shoqëria “Kastrati” sh.a.

Në fotografi: Godina e “Garden Residence Turdiu”

GARDEN RESIDENCE TURDIU

Më 21 shkurt të vitit 2019 shoqëria “Kastrati” sh.a themelon shoqërinë “Garden Residence Turdiu” SH.P.K. Selia e saj u regjistrua në rrugën e Durrësit, “zona e ish -fushës së Aviacionit”.

Ajo do të kryente investimin në fazën III dhe IV të punimeve/ndërtimeve me qëllim zhvillimin, ndërtimin, administrimin dhe shitjen e një godine multifuksionale me parkime, dyqane, zyra dhe apartamente, si një Projekt i Shoqërisë “Kastrati” SHA dhe “A.K” shpk.

Në atë kohë, siç rezulton në aktin e themelimit të shoqërisë, të parë nga Zoom.al, “Kastrati” nuk e kishte marrë ende lejen e ndërtimit.

Në fotografi: Akti i themelimit të shoqërisë “Garden Residence Turdiu”

Shoqëria e krijuar nga “Kastrati” pati një kapital fillestar prej 1 milionë lekësh, ose 10 mijë euro dhe “Kastrati” ishte zotërues i 100% të aksioneve.

Administratore e shoqërisë emërohet për një periudhë 5 -vjeçare Klaudia Gjini, e bija e Anton Gjinit.

Vajza e Gjinit, administratore te Kastrati

Një vit e gjysmë më vonë, pasi mori lejen e ndërtimit për ndërtimin e kompleksit multifunksional, “Kastrati” vendos t’ia shesë projektin Anton Gjinit.

Në fotografi: Akti i shitjes së projektit

Më 29 shtator të vitit 2020, me një akt notarial të firmosur në Kamzë, shoqëria “Kastrati Group” ia kalon pronësinë e “Garden Residence Turdiu” shoqërisë “Alesio 2014”, e cila ka për pronare administratoren e emëruar nga “Kastrati” në “Garden Residence Turdiu”.

Veprimet janë ligjore, por ato krijojnë dyshime se, që në momentin kur është themeluar “Garden Residence Turdiu”, Anton Gjinaj ka qenë pas saj, në bashkëpunim me “Kastrati”.

Çmimi i kompanisë “Garden Residence Turdiu”, pas marrjes së lejes së ndërtimit nga “Kastrati” dhe pagesës së taksës së ndikimit në infrastrukturë është 1 milionë euro.

Në fotografi: Vlera e shitjes së projektit

Veç kësaj, “Alesio 2014” do t’i kalojë kompanisë “AK” shpk, me pronar të vetëm Astrit Kuqin, 1 436 metër katrorë ndërtimi, që përkon me katin e katërt të “Godinës E” të kompleksit.

PASHUK GJINI

Pashuk Gjini u dënua në shkurt të vitit 2010 nga gjykata e Alicante-s në Spanjë me 12 vjet burg së bashku me shtetasin Sulejman Shkalla, vëllai i ish -kreut të prokurorisë së Tiranës, Petrit Fusha. Dënimi u reduktua më vonë në 9 vjet.

Ata kishin trafikuar nga Holanda heroinë me vlerë 1.9 milionë euro. Droga mbërriti në Spanjë në qershor të vitit 2006, e ndarë në 100 pako, të fshehura në gomat e një kamioni që u parkua në servisin e një mekaniku në Torrevieja.

Dy shtetas holandezë dhe një spanjoll u dënuan me 10 vjet burg.

Pashuk Gjini u arratis. Ai u kthye në Shqipëri dhe mori një identitet të ri, me emrin Anton.

Që prej asaj kohe ai iu fut biznesit të ndërtimit duke marrë përsipër projekte të mëdha ndërtimi dhe duke përfituar edhe tendera të shumtë publikë.

TENDERAT PUBLIKË (Ekstrakt i marrë nga BIRN)

Në vitin 2014, katër vjet pasi u arratis nga dënimi me burg në Spanjë, ai themeloi biznesin e tij të parë në Shqipëri – Alesio 2014 – dhe u zgjerua nga betoni në ndërtimet e banesave të nivelit të lartë, prodhimin e kartonit të gipsit dhe minierat.

Biznesi “Alesio 2014”

Deri në vitin 2020, Gjini kishte gjashtë kompani në emrin e tij (tjetër), njëra prej të cilave, Foralb Alabaster, ishte pjesë e zotërimit të ministrisë së ekonomisë shqiptare. Një tjetër, Kopshti Rezidencë Turdiu, ndodhet pas një kompleksi të madh rezidencial dhe tregtar në ndërtim, në një nga hyrjet më të frekuentuara të Tiranës.

Sipas Regjistrit të Bizneseve në Shqipëri, Garden Rezidencë Turdiu u themelua në vitin 2019 nga Kastrati, një nga grupet më të mëdha të biznesit në vend, dhe administrohej nga vajza e Gjinit, Klaudia. Në shtator 2020, Alesio 2014 e Gjinit bleu kompaninë për një milion euro.

Alesio 2014 ka një marrëdhënie të mirë me shtetin, duke fituar një sërë tenderash publikë për ndërtimin e shkollave dhe rrugëve. Në vitin 2020, pas një tërmeti të fuqishëm që goditi Shqipërinë në nëntor 2019, Alesio 2014 ishte pjesë e një numri konsorciumesh që morën pesë kontrata publike rindërtimi me një vlerë totale prej 1.5 miliardë lekësh, afërsisht 12.9 milionë euro, sipas të dhënave nga Agjencia e Prokurimit Publik.

Në prill të vitit të kaluar, megjithatë, e kaluara e Gjinit iu “përplas në fytyrë” kur ai u arrestua nga policia në Mal të Zi në hyrje nga Shqipëria. /Përgatiti Zoom.al