Daniele De Rossi është duke u rikthyer në klubin e tij pasi Roma vendosi të shkarkojë Jose Mourinhon si trajner.
Kapiteni legjendar i Giallorossi aktualisht është favorit për të zëvendësuar Jose Mourinhon si trajner i ekipit, raporton Sky Sport.
Roma do të zhvillojë një takim përfundimtar me De Rossin ditën e sotme. Së bashku me të, në stafin e tij, do të jenë edhe ish-futbollistët Guillermo Giacomazzi e Giampiero Pinzi.
Gjithashtu i pranishëm do të jetë edhe një bashkëpunëtor tjetër Mancini. Kjo do të jetë puna e dytë si trajner për De Rossi pas një periudhe jetëshkurtër në SPAL në Serinë B.
Giallorossi pësoi humbje të njëpasnjëshme përpara shkarkimit të Mourinhos, ku e fundit ishte 3-1 me AC Milan në Seria A të dielën.
Roma ndodhet në vendin e nëntë në tabelë dhe pesë pikë larg vendeve të kualifikimit në Champions League.
Ka pasur vetëm dy fitore në shtatë ndeshjet e tyre të fundit të ligës së lartë.
Kontrata e Mourinhos ishte në fund të sezonit dhe deri në muajin e kaluar, kishte spekulime se ai do të nënshkruante një marrëveshje të re.
