Në një prononcim jashtë kamerave për FaxNews, familjarët e tij, gjyshërit kanë thënë se faji për këtë ngjarje ishte i të dy prindërve të 21-vjeçarit. Ceremonia mortore për Ramën do të mbahet në Durrës, pasi aty është e ëma e tij.

21-vjeçari qëlloi për vdekje ditën e djeshme oficerin Saimir Hoxha në Lezhë. Pas krimit ai u arratis për 5 orë dhe ishte në ndjekje të vazhdueshme nga forcat e policisë. Gjatë orëve të fundit të arratisë tentoi vetëvrasjen. Në momentin kur u gjet nga efektivët e policisë, i riu u dërgua në spitalin e Traumës, aty ku dhe humbi jetën mëngjesin e sotëm.