Real Madridi po planifikon një lëvizje të rëndësishme për afatin kalimtar të verës, duke shënjestruar yllin e Manchester City-t, Rodri.

Sipas prestigjiozes spanjolle “Marca”, drejtuesit e “Los Blancos” e shohin fituesin e “Topit të Artë” si elementin jetik për të marrë në dorë frenat e mesfushës madrilene.

Edhe pse politika e klubit kohët e fundit është fokusuar te talentet e reja, përvoja dhe aftësia organizative e spanjollit konsiderohen si profili ideal për të rregulluar stilin e lojës në “Santiago Bernabéu”.

Manchester City është tashmë në dijeni të interesit, por anglezët nuk kanë ndërmend të dorëzohen lehtë dhe do të bëjnë çmos për ta mbajtur 29-vjeçarin në “Etihad”.

Duhet kujtuar se pas kulmit të karrierës në vitin 2024, Rodri pësoi një dëmtim të rëndë në ligamentet e gjurit, gjë që e mbajti gjatë jashtë fushave.

Postime të lidhura

• 
  Irani në Kupën e Botës? Çfarë mendon Donald Trump
• 
  Kaos në Iran, dy futbollistët shqiptarë largohen përmes kufirit tokësor
• 
  Lazio, protesta e tifozëve vazhdon; stadiumi bosh edhe në ndeshjen ndaj Sassuolos
• 
  Shkarkimi i Ballukut, Rama: Puna e saj, e jashtëzakonshme! S’do e largoja nëse…
• 
  Shorti i Champions-it, përplasje mes Real Madridit dhe Manchester City-t
• 
   Irani mund të përjashtohet nga “Botërori 2026”