Kabineti qeveritar pësoi ndryshime pas vendimeve të firmosura këtë të mërkurë nga kryeministri Edi Rama.

Kreu i qeverisë largoi nga Ministria e Jashtme dy zëvendësministrat Artemis Malo dhe Besart Kadia.

Emrat që do t’i zëvendësojnë ata në detyrën e zëvendësministrit të Jashtëm nuk janë zbardhur ende.

Ndërkohë, të dy zyrtarët e liruar do të emërohen si ambasadorë të Shqipërisë, Kadia në Azerbajxhan dhe Malo në Kanada.