Autoritetet greke kanë njoftuar se segmenti rrugor Kakavijë–Janinë, në zonën e fshatit Kallpaq, do të qëndrojë i bllokuar sot nga ora 16:00 deri në 21:00, për shkak të protestës së paralajmëruar nga fermerët grekë.

Sipas informacionit të përcjellë nga Policia Kufitare Kakavijë, qarkullimi i mjeteve në të dy drejtimet do të jetë i bllokuar.

Gjatë orëve të bllokimit, do të lejohen të kalojnë vetëm automjetet që paraqesin emergjenca shëndetësore, ndërsa për mjetet e tjera trafiku do të jetë i ndaluar.

Policia u kërkon udhëtarëve të planifikojnë lëvizjet drejt ose nga Greqia në orare të tjera, për të shmangur vonesat dhe situatat e vështira në kufi.

Fermerët kërkojnë nga qeveria e Greqisë fonde, teksa theksojnë se fondet e Bashkimit Europian që duhej tu jepeshin janë shpërdoruar.

Ata kanë paralajmëruar se nëse s’do të ketë bisedime do të ketë bllokime në të gjithë territorin grek./ Zoom.al

Postime të lidhura

• 
  Greqia paralizohet nga protestat e fermerëve, bllokohen rrugët kombëtare dhe portet gjatë festave
• 
  Protesta e fermerëve grekë, bllokohet aksi Kakavijë-Janinë
• 
  Përshkallëzojnë protestat në Greqi/ Pika kufitare e Kakavijës ende e bllokuar