Shqiptarët gra e burra të veshur me xhupa firmë e bluza kashmir, canta e cizme të shenjuara me logot e firmave më të shtrenjta kishin marrë boce/ torba qeska e canta dorë , në përpjekje për të shmangur valixhet që ishin me pagesë . Kur në hyrje të avionit i detyronin të paguanin për cantat shtesë, fillonte debat i madh. Një vajzë trupmadhe veshi dy xhupa në përpjekjen e saj të pashpresë për të boshuar një nga cantat e dorës që duhet të paguante .Aq shumë canta e boce kishin sa nuk dilnin kompartamentet sipër sediljeve. Ndaj edhe pjesa më e madhe e tyre u detyruan të rrinin me kembët përpjetë sepse tek vendi i ngushtë midis sediljeve duhet të mbanin cantat edhe bocet . Ndërsa ne të tjerët, xhupat duhet t’i mbanim në duar, si mirëkuptim për bashkatdhetarët tanë, të cilët ndonëse të veshur me Moncler , ishin të varfër për të udhetuar komod me valixhe.

Për 1 orë e 30 minuta 4 cuna të rritur kanë qeshur me të madhe pa pushim . Ndodh që ndonjë foshnjë 6 muajshe të qajë pa pushim gjatë fluturimit . Por tek dëgjoja në 12 të natës 4 të rritur që qeshin me zë të lartë për 1orë e 30 minuta, pa asnjë pauzë aq të nevojshme për humanët e tjerë në atë orë të vonë mendoja – cfarë kanë në vend të trurit ? Një rast ekselent për studim !

Sapo avioni vendosi rrotat në tokë rreth orës 12.35 të natës , dëgjova zërin e Luis Ejllit. Dy vajzat që ishin para meje kishin hapur menjëherë telefonat edhe dëgjonin Big Brother.

Teksa Luisi llomotiste në telefonin e vajzave , cunat e gajasur nuk pushonin , filloi sërish lufta e torbave . Një grua rreth të 30-ve e veshur mirë e ulur në rreshtin e 4 , bllokoi daljen nga avioni të njerëzve të lodhur , sepse nuk po gjente një nga shumë torbat e saj të dorës . Madje u jepte urdhër njerëzve të ngrtitur në këmbë të shikonin në vendmbajtëset afër tyre për cantën e saj blu. Gra të veshura me pelice nuk i nxinte dera e autobuzit nga cantat që kishin krahëve .

Në Milano bashkatdhetarët e mi kishin blerë rraqe e rroba të shtrenjta me para , por kultura edhe respekti karshi lirisë së tjetrit, nuk shitet kund në Milano e nuk blihet kërkund me para .