Klubet e Arabisë Saudite duan të nënshkruajnë me Mohamed Salah, por atyre u duhet të kenë një tregues të qartë se ai është gati të luajë atje përpara se të bëjnë një lëvizje për sulmuesin e Liverpoolit.
Liverpooli s’ka marrë asnjë ofertë për lojtarin. Klubet si Al Ittihad dhe Al Hilal janë përpjekur të nënshkruajnë me Salah gjatë dy viteve të fundit, por ai kurrë nuk ka treguar dëshirën e fortë për t’u larguar nga niveli më i lartë i futbollit të klubeve në Evropë dhe për t’u transferuar në Ligën Profesionale Saudite (SPL).
Klubet e SPL kanë ndryshuar strategji dhe tani po synojnë lojtarë më të rinj në vend të yjeve që po i afrohen fundit të karrierës së tyre, por një përjashtim do të bëhej gjithmonë për Salah.
Al Ittihad bëri një ofertë prej 150 milionë paund për të nënshkruar me Salah në shtator 2023, por lëvizja u bë shumë vonë në afatin kalimtar kur shanset për një marrëveshje ishin të pakta.
Dera nuk i është mbyllur ende Salahut që të luajë për një klub tjetër në Premier League, gjë që mund të jetë një tregues se ai ende beson se ka më shumë për të ofruar në Evropë dhe mund të mendojë se kjo nuk është koha e duhur për t’u transferuar në SPL.
