Udhëheqësi i ri suprem i Iranit, Mojtaba Khamenei, ka dhënë mesazhin e tij të parë publik pasi mori detyrën, duke theksuar se vendi do të qëndrojë i bashkuar përballë tensioneve në rritje në rajon.
Mesazhi u transmetua nga televizioni shtetëror iranian dhe u lexua nga një prezantues, ndërsa shfaqej edhe një dokument i shkruar me dorë nga vetë lideri i ri.
Në deklaratën e tij, Khamenei u bëri thirrje qytetarëve iranianë për unitet dhe vendosmëri, duke theksuar se Republika Islamike nuk do të tërhiqet nga presionet ndërkombëtare.
Ai paralajmëroi se Ngushtica e Hormuzit, një nga rrugët detare më të rëndësishme për transportin global të naftës, mund të mbetet e mbyllur si një formë presioni strategjik ndaj kundërshtarëve të Iranit.
Në të njëjtën kohë, udhëheqësi suprem dha një paralajmërim të drejtpërdrejtë ndaj pranisë ushtarake amerikane në rajon. Sipas mesazhit të tij, bazat ushtarake të Shteteve të Bashkuara në vendet e Lindjes së Mesme duhet të mbyllen, përndryshe mund të bëhen objekt sulmesh nga Irani.
Ai theksoi se vendet fqinje nuk konsiderohen armiq të Teheranit, por prania e forcave amerikane në territorin e tyre shihet si një kërcënim./ Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
