Kryeqyteti është mbushur këtë të premte me mijëra qytetarë nga Kosova, Lugina e Preshevës dhe viset shqiptare, të cilët janë bashkuar në protestën mbarëkombëtare në mbështetje të ish-krerëve të Ushtrisë Çlirimtare të Kosovës.
Kolona të gjata automjetesh, autobusësh dhe motoçikletash shihen në rrugët e Tiranës.
Sheshi “Skënderbej” është mbushur nga turma të mëdha qytetarësh nga të gjitha trevat shqiptare, që mbajnë flamuj kombëtarë dhe pankarta me mesazhe solidariteti:
“Liri për çlirimtarët”,
“O Hashim, ti ku je, krejt studentët këtu i ke”,
“Faleminderit Shqipëri”.
Protestës iu bashkuan edhe dhjetëra studentë nga Kosova, ndërsa shumë qytetarë bënë foto para monumentit të Skënderbeut.
Protesta pritet të nisë zyrtarisht në orën 17:00, nën masa të rrepta sigurie të policisë së shtetit, e cila ka bllokuar disa akse kryesore rrugore në qendër të Tiranës për të garantuar rendin./ Zoom.al
