Kanye West do të performojë live në Tiranë më 11 korrik 2026, në një nga eventet më të mëdha muzikore që janë organizuar ndonjëherë në Shqipëri. Lajmi është bërë i ditur nga kryeministri Edi Rama.
Koncerti do të mbahet në një skenë të ndërtuar enkas, “Eagle Stadium”, në aksin Tiranë–Durrës, me një kapacitet prej rreth 60 mijë spektatorësh. Bëhet fjalë për një performancë “one-night-only”, një super-produksion i standardeve ndërkombëtare që shkon përtej një koncerti të zakonshëm.
