Son Heung-min pranoi se një transferim te Los Angeles FC nuk ishte “zgjedhja e tij e parë”, por një bisedë me presidentin e klubit “i ndryshoi zemrën” për t’u bashkuar me klubin për një tarifë rekord të Major League Soccer (MLS).
LAFC ka paguar një tarifë mbi 20 milionë paund për ish-kapitenin e Tottenham Hotspur, kontrata dyvjeçare e të cilit ka mundësinë e zgjatjes me dy vite të tjera.
Son zbuloi në një konferencë për shtyp të shtunën se do të largohej nga Tottenham pas 10 vitesh në klub.
33-vjeçari ishte i pranishëm në fitoren 2-1 të LAFC në Kupën e Ligës kundër skuadrës meksikane Tigres UANL të martën.
Tarifa e paguar te Spurs për koreano-jugorin tejkalon rekordin e mëparshëm të MLS prej 16.5 milionë paund të paguara nga Atlanta United për të nënshkruar me Emmanuel Latte Lath nga Middlesbrough në shkurt.
“Është një ëndërr e bërë realitet. Los Anxhelos, çfarë qyteti”, tha Son të mërkurën.
“Nëse jam i sinqertë, nuk ishte zgjedhja ime e parë. Por telefonata e parë që pata me bashkëpresidentin e LAFC, John Thorrington, pasi mbaroi sezoni im, ai më ndryshoi mendjen, më ndryshoi zemrën, trurin tim.”
Ai më tregoi destinacionin ku duhet të isha. Tani jam këtu, jam më shumë se i lumtur, jam shumë i emocionuar.”
Në një njoftim për shtyp të klubit të publikuar më parë, Son u citua të ketë thënë: “Los Angeles ka një histori kaq të pasur kampionësh dhe unë jam këtu për të ndihmuar në shkrimin e kapitullit të ardhshëm. Jam i emocionuar për këtë sfidë të re në MLS. Kam ardhur në Los Angeles për të ngritur trofe dhe për të dhënë gjithçka për këtë klub, këtë qytet dhe tifozët e tij.”
Son i bashkohet një skuadre të LAFC që aktualisht renditet e gjashta në Konferencën Perëndimore dhe ribashkohet me ish-shokun e skuadrës te Tottenham, Hugo Lloris. /ZOOM.AL
