Një person është gjetur pa shenja jete, i dyshuar i mbytur, në zonën e Plepave, në qytetin e Durrësit.

Një ditë më parë, kushëriri i tij kishte kallëzuar në polici mungesën e 54-vjecarit Astrit Hysenaj, duke kërkuar ndihmë për gjetjen e tij. Hysenaj dyshohet se është marrë nga rrjedha e ujit të martën, ditën e përmbytjeve masive në Durrës.

Forca të Policisë kanë mbërritur në vendngjarje dhe po kryejnë veprimet e nevojshme hetimore për identifikimin e viktimës dhe zbardhjen e rrethanave në të cilat ka ndodhur ngjarja.

Trupi i pajetë është transportuar drejt morgut të qytetit të Durrësit, ku do t’i nënshtrohet ekspertizës mjeko-ligjore, me qëllim përcaktimin e shkakut të saktë të vdekjes.

Policia vijon hetimet për të hedhur dritë mbi këtë ngjarje./ Zoom.al

Postime të lidhura

• 
  A arrestohet shiu?
• 
  Berisha: 42 milionë eurot e dhëna për mbrojtjen e Durrësit nga përmbytjet janë vjedhur
• 
  Cara: Sot Durrësi nuk u përmbyt nga shiu, por nga tekat e Edi Ramës dhe projektit të një porti
• 
  DETAJE/ Kush është 54-vjeçari që humbi jetën nga përmbytjet në Durrës
• 
  Qeveria premton dëmshpërblime për bujqësinë dhe banesat e përmbytura
• 
  Shqipëria "e gjunjëzuar" nga reshjet, PD kërkon shpalljen e fatkeqësisë natyrore