Ish-ministri i Turizmit, Kulturës, Rinisë dhe Sporteve, Ylli Pango, është paraqitur këtë të martë në ambientet e SPAK, në kuadër të hetimeve që lidhen me dosjen “Partizani”.

Burime bëjnë me dije se Pango është thirrur në cilësinë e dëshmitarit për të dhënë sqarime mbi procedurat dhe rrethanat që lidhen me privatizimin e ish-kompleksit sportiv “Partizani”.

Ylli Pango mbajti postin e ministrit të Turizmit, Kulturës, Rinisë dhe Sporteve gjatë viteve 2007-2009, periudhë në të cilën janë zhvilluar edhe procese të rëndësishme administrative që tashmë po verifikohen nga organet e drejtësisë.

Dosja “Partizani” vijon të jetë një nga çështjet më të ndjekura nga SPAK, ndërsa hetimet po fokusohen te procedurat e privatizimit dhe personat që kanë pasur rol institucional në atë periudhë.

Postime të lidhura

• 
  Dosja "Partizani", dëshmon në gjykatë Ylli Pango. Berisha mungon
• 
  Dosja Partizani, Berisha sfidon Ramën: Të vijë të ballafaqohemi në gjykatë! E dini ju si e bëj
• 
  Dosja “Partizani”/ Kërkuan përjashtimin e tre gjyqtarëve, rrëzohet kërkesa e Sali Berishës dhe dhëndrit të tij
• 
  Ish-ministri Gazmend Oketa në GJKKO, dëshmon në gjyqin ndaj Berishës