Lei Kraja ka surprizuar publikun me një deklaratë të papritur gjatë emisionit “Pardon My French”, ku foli për idenë e të pasurit një fëmijë me kontratë.
Diskutimi nisi pas një deklarate të Arjan Currit në podcastin e Grida Dumës, ku ai u shpreh se po mendon të bëjë fëmijë me kontratë me një kolege.
Gjatë bisedës në program, Lei u shpreh se edhe ajo e ka menduar një mundësi të tillë.
“Nëse deri në moshën 35 vjeç nuk kam një fëmijë, do t’i propozoj Arbër Çepanit ta bëjmë me kontratë. I kam thënë disa herë që mund të jetë babai i fëmijës tim. Arbër, nëse po më dëgjon…”, tha ajo.
Lei shtoi me humor se, duke parë ritmin e jetës së Arbërit, ai ndoshta nuk do të martohet shpejt, por nëse ndodh, ajo do të gjejë një alternativë tjetër.
Pak orë më vonë erdhi edhe reagimi i Arbër Çepanit.
Në rrjetet sociale, ku postoi këtë deklaratë të Lei Krajës, ai pranoi ftesën e saj.
“Jam dakord. E bëjmë që tani”, ka shkruar Arbër Çepani në postimin e tij./ Zoom.al
Hodhi ujë drejt Ramës, përjashtohet nga seanca Gazment Bardhi
