Luis Castro së shpejti mund të jetë histori në Al Nassr. Trajneri portugez do të shkarkohet nga bordi i klubit të Riadit pas mposhtjes 4-1 nga Al Hilal.

Humbje që jo vetëm nënkuptonte humbjen e një titulli tjetër (Nassr nuk ka arritur të fitojë asnjërën nga dy ligat e fundit), por ka provokuar edhe zemërimin e Cristiano Ronaldos, në pamjet që janë bërë virale në mbarë botën.

Castro ishte trajner i miratuar nga Cristiano dhe i cili mbërriti me ‘Po’-në thelbësore të yllit portugez. Bordi, i kryesuar nga Ibrahim Al Muhidib, e mori vendimin të dielën, edhe pse nuk do të zyrtarizohet derisa të vendoset trajneri i ri.

Presidenti do të miratojë shkarkimin e portugezit. Ndaj shkarkimi i Kastros nuk është ende zyrtar, ndonëse vendimi i drejtuesve sportivë të kryesuar nga Fernando Hierro është përfundimtar.