Shoqata e Transportit paralajmëron rritjen e çmimit të biletës për urbanët dhe transportin ndërqytetas.
Ky paralajmërim vjen pas lajmeve se çmimi i naftës në vendin tonë është rritur.
Kryetari i Shoqatës është shprehur se nuk kanë për qëllim rritjen e çmimit, por e kanë të pamundur të përballojnë shpenzimet.
Ai ka kërkuar nga qeveria uljen e TVSH-së nga 20% në 6% si dhe heqjen e taksës së qarkullimit, e cila në vetvete sipas tij nuk e mbështet por përkundrazi e pengon qarkullimin.
Megjithatë çmimi i biletës mund të ndryshojë vetëm me vendim dhe udhëzim të ministrisë përkatëse.
