Kreu demokrat, Sali Berisha, pati një pvrballje nga foltorja me socialistin Damian Gjiknuri, të cilin e akuzoi se ka qenë në takimin famëkeq të Arubës.
“Dil këtu e betohu në Bibël që nuk ke qenë në takimin e Arubës”, i tha Berisha Gjiknurit, duke akuzuar se atë e “fsheh” ish-kreu i SPAK, Altin Dumani.
Berisha: Me asnjë shpifje nuk e lan dot veten tënde. Damian, dil e bëj be këtu që nuk ke qenë. Dil betohu këtu që nuk ke qenë në Aruba. Fatmirësisht dosjen e ka në dorë një armik i imi që quhet Troplini, Altin Troplini, Altin Gjoka. Ai e ka dosjen.
Dhe ai mezi do priste të shihte. Kurse ty të fsheh ai, Olsi Ramën e fsheh ai, Engjëll Agaçin e fsheh ai. Nuk e fsheh për ty, nuk e fsheh për Engjëllin, e fsheh për Edi Ramën.
Tani, në qoftë se ti thua nuk kam qenë, dil bëj be këtu në Bibël, betohu, vëre këtu Biblën dhe lahu para shqiptarëve. Laju para shqiptarëve, bëj be. Po nuk bën dot be. Dil, provoje.
Hajde, provoje. Kërkoji atij që t’i publikojë për të vërtetuar që nuk je ti. Kërkoni t’i publikojmë, nuk kërkoni dot, nuk u lejon Edi Rama. Nuk u lë Edi Rama. Ata hapin llafet. Për ty, llafet janë të tyret.
