Në një konferencë për mediat, kreu i grupit parlamentar të Partisë Socialiste, Taulant Balla, u shpreh se Shqipërisë i nevojitet një ligj i posaçëm për referendumet.
Sipas tij, mazhoranca po angazhohet për këtë nismë ligjore dhe procesi do të jetë i gjatë, ndërsa drafti do të depozitohet në Kuvend.
“Kryeministri Rama, në fund të javës së kaluar, e theksoi mungesën e ligjit të posaçëm për referendumet. Pas më shumë se dy dekadash, që po bëhen gati tre, nga miratimi i Kushtetutës, është e pajustifikuar mungesa e një ligji të posaçëm për referendumet në Republikën e Shqipërisë.
Në Shqipëri, Kushtetuta përcakton se si mbahen referendumet dhe se si, përmes tyre, mund të miratohen amendamentet kushtetuese. Sot jemi këtu për t’i dhënë udhë këtij procesi, i cili është i gjerë dhe i gjatë. Përpara se ta depozitojmë këtë draft në Kuvend, do ta konsultojmë përmes tryezave me juristë, profesorë, studentë dhe përfaqësues të shoqërisë civile.
Çdo lloj ndryshimi kushtetues, përpara se të shkojë në referendum, kërkon votat e 2/3 të anëtarëve të Kuvendit dhe mbështetjen e 1/5 së deputetëve.
Mazhoranca po angazhohet për nismën ligjore, për ligjin e ri për referendumet. Referendumi përcaktohet si forma e drejtpërdrejtë e shprehjes së vullnetit të popullit për një çështje, ndërsa Kushtetuta ka përcaktuar rastet kur mund të thirret referendumi, përfshirë edhe referendumin konsultativ”, u shpreh Balla.
Kryetari i Partisë Demokratike, Sali Berisha deklaroi më herët se vota dhe qëndrimi i forcës së tij do të jetë kundër draftit të PS për referendumet. Në një dalje për mediat ai tha se Rama po përpiqet që me shashka të mbulojë vjedhjet e tij.
Ai tha se aktualisht PD po merret me dy reforma, atë të Territoriales dhe atë Zgjedhore.
“Nuk votojmë asnjë ligj me PS. Jemi të angazhuar në proceset e reformës, në dy reforma. Jo se besojmë se Edi Rama do të pranojë të ketë një produkt të përbashkët, jemi të bindur se nuk beson.
U transportua në gjendje të rëndë në spital pas zhytjes, humb jetën turistja 30-vjeçare në Vlorë
