Megjithatë, disa të meta në lidhje me këtë teknologji janë zbuluar. Bateritë litium-jon, të cilat janë të zakonshme në pajisjet e lëvizshme dhe automjetet elektrike, janë të ndjeshme ndaj temperaturës. Ekspozimi i tyre ndaj temperaturave jashtëzakonisht të larta ose të ulëta, mund t’i dëmtojë ato, duke ndikuar në qëndrueshmërinë dhe performancën e tyre.

Karikimi me valë funksionon përmes induksionit të rrymës alternative midis dy mbështjelljeve, njëra në bazën e karikimit dhe tjetra në pajisjen celulare. Edhe pse e përshtatshme, kjo metodë gjeneron edhe nxehtësi në pajisje, e cila mund të ndikojë negativisht në bateritë. Prandaj, rekomandohet të mos i lini pajisjet në bazat e karikimit me valë për më shumë se 30 minuta. Për më tepër, karikimi me valë është zakonisht më i ngadalshëm se karikimi me tela.

Një problem specifik në lidhje me karikimin me valë është zbuluar në modelet e reja të iPhone 15 të Apple. Disa pronarë kanë raportuar se karikimi me valë çaktivizon çipin NFC (Near Field Communication) në pajisjet e tyre pas rinisjes. Kjo ndikon në veçori të rëndësishme si Apple Pay dhe çelësat dixhitalë të makinës. Prandaj, rekomandohet të mos i lini pajisjet në bazat e karikimit me valë për më shumë se 30 minuta.

Përdoruesit e prekur kanë ndarë problemet e tyre në forumet e Apple dhe kanë vërejtur se këto probleme ndodhin në makinat BMW dhe disa modele Toyota, të cilat përdorin teknologji të ngjashme të karikimit me valë. Për fat të mirë, Apple e ka pranuar problemin dhe është zotuar ta rregullojë atë përmes një përditësimi të softuerit, që pritet të dalë në fund të vitit. /ZOOM.AL/