Trajneri i Manchester United, Ruben Amorim, nuk është i gatshëm të lejojë asnjë lojtar të largohet në afatin kalimtar të janarit, përveç nëse vijnë zëvendësues.
Kobbie Mainoo dhe Joshua Zirkzee janë të dy të etur për shanse për të luajtur më rregullisht gjatë gjysmës së dytë të sezonit. Mainoo ende dëshiron të dalë në huazim, ndërsa Zirkzee është lidhur me një rikthim në Itali.
Megiithatë, edhe kur skuadra e tij përforcohet në mes të muajit të ardhshëm nga rikthimi në formë i kapitenit Bruno Fernandes dhe Bryan Mbeumo, Amad Diallo dhe Noussair Mazraoui që kthehen nga Kupa e Kombeve të Afrikës, Amorim nuk beson se ka mjaftueshëm lojtarë në skuadrën e tij për t’u përballur me një ulje të numrit.
“Do të jetë e vështirë për dikë të largohet nga klubi nëse nuk marrim një zëvendësues,” tha ai.
“Ne jemi një klub me një përgjegjësi të madhe. Po merremi me të gjitha këto çështje dhe në kokat e medias, në kokën time, në kokën e të gjithëve, duhet të fitojmë çdo ndeshje. Nuk ka rëndësi. Nuk ka justifikime.”
Amorim do të jetë pa shtatë lojtarë seniorë për ndeshjen e Boxing Day kundër Newcastle. Mainoo është ende jashtë për shkak të një problemi në pulpë, ndërsa mbrojtësit Matthijs de Ligt dhe Harry Maguire gjithashtu mungojnë.
