Një aksident rrugor është shënuar paraditen e sotme, rreth orës 10:30, në rrugën kombëtare Peqin–Rrogozhinë, konkretisht në fshatin Karinë të Peqinit.
Sipas informacioneve paraprake nga vendi i ngjarjes, dy automjete janë përplasur me njëra-tjetrën, duke shkaktuar dëme të konsiderueshme materiale.
Si pasojë e përplasjes, të paktën tre persona kanë mbetur të lënduar. Ata janë transportuar me urgjencë nga autoambulancat drejt spitalit për të marrë ndihmën e nevojshme mjekësore.
Policia po punon për të sqaruar shkaqet dhe rrethanat që çuan në këtë aksident./ Zoom.al
