Një aksident ajror me pasoja fatale është regjistruar në rajonin e Permit, në Malet Urale të Rusisë, ku një helikopter u rrëzua pasi u përplas me linjat e energjisë elektrike.
Helikopteri, duke fluturuar në një lartësi të ulët mbi zonë, ngatërrohet në kabllot elektrike dhe më pas përplaset në tokën e mbuluar me dëborë në Parkun Asatly.
Si pasojë e përplasjes, humbën jetën dy persona që ndodheshin në bord. Një prej viktimave është Ilyas Gimandutdinov, milioner rus dhe themelues i kompanisë së transportit Tattranskom me bazë në Perm, ndërsa viktima tjetër është Elmir Koniakov, drejtues i së njëjtës kompani.
Mediat ruse raportojnë se helikopteri ishte i tipit Robinson R44 Raven, në pronësi të kompanisë, dhe po kryente një fluturim pa leje zyrtare. Autoritetet kanë konfirmuar se nuk kishte autorizim për ngritjen në ajër.
Hetimet për ngjarjen kanë nisur, ndërsa shërbimi rus i emergjencave EMERCOM ende nuk ka dhënë një konfirmim zyrtar përfundimtar mbi rrethanat e sakta të aksidentit./ Zoom.al
