Presidenti i SHBA-së, Donald Trump, ka thënë se Irani është “i mirëpritur” të marrë pjesë në Kupën e Botës këtë verë, pavarësisht se vendet janë në luftë, sipas presidentit të FIFA-s, Gianni Infantino.
Në një postim në Instagram, Infantino deklaroi se u takua me Trump të martën për të diskutuar përgatitjet për turneun, i cili po organizohet nga SHBA-të, Kanadaja dhe Meksika dhe fillon më 11 qershor.
Infantino shtoi se ai dhe Trump “folën për situatën aktuale në Iran”.
Irani është planifikuar të luajë tre ndeshje në SHBA, por pjesëmarrja e tyre ka qenë në dyshim që kur SHBA-të dhe Izraeli nisën sulme ndaj vendit këtë muaj, duke vrarë Udhëheqësin Suprem Ajatollah Ali Khamenei.
Irani u përgjigj duke lëshuar raketa dhe dronë drejt Izraelit dhe katër vendeve arabe të Gjirit që strehojnë baza ushtarake amerikane – Bahreini, Kuvajti, Katari dhe Emiratet e Bashkuara Arabe.
“Gjatë diskutimeve, Presidenti Trump përsëriti se ekipi iranian është, sigurisht, i mirëpritur të garojë në turne në Shtetet e Bashkuara”, tha Infantino.
Duke shtuar: “Të gjithë kemi nevojë për një ngjarje si Kupa e Botës FIFA për t’i bashkuar njerëzit tani më shumë se kurrë, dhe e falënderoj sinqerisht presidentin e Shteteve të Bashkuara për mbështetjen e tij, pasi kjo tregon edhe një herë se futbolli bashkon botën.”
Irani do të përballet me Zelandën e Re dhe Belgjikën në Los Angeles më 15 dhe 21 qershor respektivisht dhe Egjiptin në Seattle më 26 qershor.
Javën e kaluar, Trump i tha Politico-s se “nuk më intereson” nëse Irani luan në Kupën e Botës.
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
