Skandali i “Pandora Papers”, i zbuluar nga një rrjet gazetarësh investigativë ka bërë bujë. Vetëm pak orë nga zbulimi, skandali ka sjellë reagime të shumta. Me qindra politikanë thuhet se kanë fshehur pasuritë e tyre të jashtëligjshme.
Mes tyre është edhe kryeministri çek, Andrej Babiš. Shefi i qeverisë çeke është nën presion për të shpjeguar një strukturë të ndërlikuar që ai përdori për të financuar blerjen e një rezidencë prej 13 milionë funtash në jug të Francës.
Fillimisht zyra e tij nuk iu përgjigj kërkesave të TheGuardian për koment mbi kompanitë e tij në det të hapur. Ai gjithashtu refuzoi të fliste për BBC për pronën e tij franceze, kur ata e pyetën atë gjatë fushatës zgjedhore në Çeki.
Por pas publikimit, Babiš shkroi në Twitter:
“Unë kurrë nuk kam bërë asgjë të paligjshme ose të gabuar, por kjo nuk i pengon ata të përpiqen të më denigrojnë përsëri dhe të ndikojnë në zgjedhjet parlamentare çek”.
