Presidenti i Ukrainës, Volodymyr Zelensky ka deklaruar se do ta përfundonjë luftën me fitore. Ai ishte kategorikisht kundër pagesës së çmimit për një marrëveshje armëpushimi të kërkuar nga Presidenti Vladimir Putin, i cili po tërhiqet nga territori strategjik që Rusia nuk ka arritur ta kapë pavarësisht sakrificës së dhjetëra mijëra ushtarëve.
Zelensky më tha se Putini e ka filluar tashmë Luftën e Tretë Botërore dhe e vetmja përgjigje ishte presioni intensiv ushtarak dhe ekonomik për ta detyruar të tërhiqet.
“Unë besoj se Putini e ka filluar tashmë. Pyetja është se sa territor do të jetë në gjendje të kapë dhe si ta ndalojë atë… Rusia dëshiron t’i imponojë botës një mënyrë të ndryshme jetese dhe të ndryshojë jetën që njerëzit kanë zgjedhur për veten e tyre.”
Po në lidhje me kërkesën e Rusisë që Ukraina të dorëzojë 20% të rajonit lindor të Donetskut që ende e mban – një linjë qytetesh që Ukraina i quan “qytete fortesa” – si dhe më shumë tokë në rajonet jugore të Khersonit dhe Zaporizhzhisë? A nuk është kjo, pyeta unë, një kërkesë e arsyeshme nëse kjo sjell armëpushim?
“Unë e shoh këtë ndryshe. Nuk e shoh thjesht si tokë. E shoh si braktisje – dobësimin e pozicioneve tona, braktisjen e qindra mijëra njerëzve tanë që jetojnë atje. Kështu e shoh unë. Dhe jam i sigurt se kjo ‘tërheqje’ do ta ndante shoqërinë tonë.”
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
