Prokuroria e Federatës Italiane të Futbollit do të zyrtarizojë së shpejti marrëveshjen e arritur me Sandro Tonalin, falë së cilës lojtari do të shmangë daljen në gjyq dhe do të ulë dënimin. Thashethemet flasin për një sanksion 10-mujor dhe tetë të tjerë me periudha alternative, për mungesën e fushës: prania e tij në Eurokupën e ardhshme, nisur nga ky skenar, tashmë është plotësisht e përjashtuar.

Ish-lojtari i Milanit, më 15 tetor, ka rrëfyer se ka vënë bast për ndeshjet e futbollit dhe gjithashtu për skuadrat ku ka luajtur, ndonëse gjithmonë synonte vetëm fitoren e tij. Prokuroria, siç raporton ‘La Gazzetta dello Sport’, po studion një dënim alternativ disa mujor krahas mungesës së tij në fushë, si në rastin e Fagiolit, i sanksionuar me shtatë muaj plus pesë, në të cilin ai do të kontribuojë me përvojën e tij në fushë, disa takime për të debatuar rreth varësisë nga kumari.

Tonali do të jetojë një eksperiencë të ngjashme dhe do ta bëjë në Itali, për të bindur më të rinjtë që të mos humbasin shëndetin dhe paratë përmes lojërave të fatit. Mesfushori do të duhet të paraqesë edhe planin e tij terapeutik me të cilin do të përballet me problemin e kumarit.

Marrëveshja është mbyllur dhe pa ndonjë surprizë, ajo duhet të zyrtarizohet nesër. Me këtë kapitull të mbyllur, çështja mund të vazhdojë për shkak të pozicionit të Newcastle. Sipas ‘Corriere dello Sport’, anglezët do të pezullojnë pagën e lojtarit (8 milionë euro neto në sezon) gjatë pezullimit të tij dhe do të mendojnë ta çojnë Milanin në gjykatë.

Kuqezinjtë, të cilët morën 70 milionë euro nga shitja e Tonalit, nuk ishin në dijeni të problemit të lojtarit të tyre me lojërat e fatit, diçka që u sqarua edhe në hetime. Përndryshe, drejtuesit e saj mund të sanksionoheshin për moskallëzim, duke e zgjatur skandalin.

Siç raporton ‘Sportmediaset’, klubi italian është i qetë dhe nuk ka marrë lajme për gatishmërinë e skuadrës angleze për të nisur një gjyq ndaj tyre. /ZOOM.AL/