Ledion Liço zbuloi këtë të hënë datën e fillimit të Big Brother VIP Albania.
Në videon promovuese, Ledioni konfirmoi se në moderim do të jetë ai edhe në këtë edicion, ndërsa njoftoi se shtëpia e VIP-ve do të hapë dyert më 21 dhjetor.
Gjatë videos, Ledioni bën batuta me disa nga fjalët apo shprehjet që u bënë virale në edicionin e shkuar, por në një moment ndalet edhe te përshëndetja për banorët.
“Mirëmbrëma yje” e Arbana Osmanit është bërë hit. Tashmë kështu quhet edhe emisioni i saj i ri që ajo bën në Youtube. Por Ledion Liço në video shihet duke lexuar një libër, që i tregon sinonimet e fjalës yje.
Kjo në rrjet është komentuar si kunjë për Arbanën.
