Policia e Tiranës ka ndaluar 5 të rinj që po transportonin lëndë narkotike me qëllim shitjen.
Ngjarja ka ndodhur në zonën e Valiasit, ku u zhvillua operacioni policor me emrin “Valiasi”.
Sipas policisë, dy prej të rinjve po lëviznin me një makinë tip “Audi”, ku në bagazh u gjetën dy pako me rreth 5.3 kilogramë kanabis. Tre të rinjtë e tjerë ishin me një makinë tjetër tip “Jaguar”, që i ndiqte nga pas dhe po i shoqëronte.
Në momentin që Policia ndërhyri, të rinjtë tentuan të iknin, por u ndaluan dhe u vunë në pranga. Videoja e arrestimit tregon të rinjtë të shtrirë përtokë, ndërsa policët i prangosin.
Njëri prej tyre akuzohet për shitje droge, ndërsa katër të tjerët për moskallëzim të krimit./ Zoom.al
