Vedat Muriqi po vazhdon të lërë gjurmë në futbollin spanjoll. Sulmuesi i Kosovës është nominuar për çmimin prestigjioz “Lojtari i Sezonit” në La Liga, duke u renditur mes emrave më të mëdhenj të kampionatit, si Lamine Yamal dhe Kylian Mbappé.
Edhe pse RCD Mallorca kaloi një sezon të vështirë dhe nuk arriti të mbijetojë në elitën e futbollit spanjoll, Muriqi spikati me performancat e tij dhe rolin vendimtar në repartin ofensiv të skuadrës.
Ndër favoritët kryesorë për trofeun shihet talenti i FC Barcelona, Lamine Yamal, i cili në moshën 18-vjeçare zhvilloi një sezon të jashtëzakonshëm me 16 gola dhe 12 asistime në 28 ndeshje, duke ndihmuar katalanasit të rikthejnë titullin kampion në Spanjë.
Në garë për çmimin është edhe sulmuesi i Real Madrid CF, Kylian Mbappé, i cili e mbylli sezonin si golashënuesi më i mirë i La Ligës.
Lista e kandidatëve plotësohet gjithashtu nga Pablo Fornals i Real Betis dhe Nicolas Pépé i Villarreal CF.
Përfshirja e Muriqit në këtë listë elitare konsiderohet një tjetër sukses i madh për futbollin kosovar dhe dëshmi e nivelit që sulmuesi ka treguar në arenën ndërkombëtare.
Dhunohet Polici i Rrugores në Shkodër, goditet me sende të forta jashtë orarit të punës
