Sot i jepet lamtumira e fundit shkrimtarit të madh shqiptar, Ismail Kadare, teksa homazhet vijojnë me prezencën dhe nderimet nga personalitete të shumta nga fusha të ndryshme, përfshi edhe politikën.
Në ceremoninë e lamtumirës në Tiranë do të marrin pjesë edhe presidentja e Kosovës Vjosa Osmani, kryeministri Albin Kurti dhe kryetari i Kuvendit Glauk Konjufca.
Të pranishëm do të jenë edhe disa ministra e deputetë.
Agjenda e ceremonisë është si më poshtë, teksa sot do i jepet edhe lamtumira e fundit dhe do përcillet shkrimtari i madh Kadare:
09:00 – Homazhet publike në Teatrin Kombëtar të Operas, Baletit dhe Ansamblit Popullor
11:30 – Ceremonia shtetërore e Lamtumirës
12:30 – Nisja e kortezhit në drejtim të varrezave të Tufinës
/ZOOM.AL/
