Presidenti amerikan Donald Trump ka vendosur të ndalojë përkohësisht një operacion ushtarak të planifikuar ndaj Iranit, duke sinjalizuar se Shtetet e Bashkuara po i japin përparësi një zgjidhjeje diplomatike në vend të përshkallëzimit të konfliktit.
Sipas deklaratave të tij publike në rrjetet sociale, vendimi për pezullimin e sulmit është marrë pas zhvillimeve të fundit diplomatike, ku Teherani ka dorëzuar një propozim të ri për marrëveshje përmes ndërmjetësimit të Pakistan.
Trump ka bërë të ditur se operacioni ajror ishte gati të niste, por është ndalur në momentin e fundit për t’i dhënë hapësirë bisedimeve. Megjithatë, ai theksoi se ushtria amerikane mbetet në gatishmëri të plotë dhe çdo dështim në negociata mund të çojë në një përgjigje të menjëhershme dhe të fuqishme ushtarake.
