Një tentativë trafikimi e lëndëve narkotike me postë zyrtare nga SHBA-të është pikasur dhe goditur nga autoritetet ligjzbatuese.

Ishin zyrtarët e Doganës në Kosovë ata që njoftuan sot se kanë gjetur një pako me kanabis në një prej dërgesave postare nga Shtetet e Bashkuara të Amerikës.

Policia e Kosovës e ka identifikuar personin që do ta pranonte pakon dhe i njëjti është ndaluar. Pakoja me kanabis ishte me peshë 1 kilogram.

“Më datë 10.07.2024, në ora 11:00, në Zyrën Doganore të Postës së Kosovës, gjatë ekzaminimit të dërgesave postare nga SHBA, në një pako, është hasur në substancë narkotike kanabis sativa me peshë neto 1 kg. Dogana ka njoftuar Policinë e Kosovës ku është konfirmuar se kemi të bëjmë me substancë narkotike.

Është kryer dorëzimi-pranimi i mallit dhe sipas Policisë së Kosovës, është identifikuar personi fizik (pranuesi i pakos) i cili është ndaluar”, thuhet në njoftimin e Doganës kosovare, kurse hetimet vijonë. /ZOOM.AL/

Postime të lidhura

• 
  Përsëri trafik hashashi me THC nga SHBA në Shqipëri, 2 të arrestuar. Kapen 3,2 kg drogë (Detajet)
• 
  Trafiku i drogës me postë nga SHBA, kush janë 2 të arrestuarit. Skema dhe personi që priste pakon