Një grabitje e organizuar me përpikëri ka tronditur provincën e Reggio Calabria-s, ku një grup i armatosur kreu një sulm ndaj një automjeti të blinduar ndërsa ai po udhëtonte në një segment të autostradës.
Sipas vlerësimeve të para, shuma e parave të marra arrin rreth dy milionë euro.
Ngjarja ka ndodhur brenda një tuneli midis daljeve Scilla dhe Bagnara, në drejtimin verior. Autorët arritën ta ndalonin furgonin e blinduar dhe gjatë operacionit janë dëgjuar disa të shtëna armësh, por fatmirësisht asnjë nga punonjësit brenda mjetit nuk është lënduar.
Për të izoluar zonën dhe për të penguar çdo ndërhyrje të mundshme, grabitësit kishin vendosur në rrugë dy makina të djegura dhe kishin shpërndarë gofla metalike, duke shkaktuar bllokim të plotë të trafikut dhe duke pamundësuar largimin e automjetit të blinduar.
Në vendngjarje ndërhynë menjëherë zjarrfikësit dhe patrullat e policisë, të cilat siguruan zonën dhe nisën hetimet për identifikimin e autorëve. Sipas autoriteteve, mënyra se si është kryer grabitja tregon një shkallë të lartë organizimi, dhe hetimet po vazhdojnë për të zbardhur plotësisht rrethanat e ngjarjes.
Labi premtoi 150 euro për Roelin nga çdo event, shpërthen Rezart Veleshnja: Shpati nuk lypi kurrë
