Trupi i një shqiptari është gjetur i varur dhe i dekompozuar, në një depo në Tyrnavos, Greqi, mbrëmjen e së dielës.
Viktima ishte 36 vjeç dhe punonte në bujqësi. Identifikimi u bë nga miqtë e 36-vjeçarit, që ishin vendosur në kërkim të tij ditët e fundit.
Autoritetet kanë nisur tashmë procedurat për të informuar familjen e tij në Shqipëri. Trupi u gjet në një depo pranë një rruge provinciale, në një zonë që nuk ishte lehtësisht e dukshme. Zbulimi u bë nga një qytetar, i cili po ruante materiale ndërtimi në një parcelë toke aty afër dhe ndjeu një aromë të fortë.
36-vjeçari u gjet i varur me një litar shumë të hollë, të ngjashëm me atë që përdoret te hardhitë. Raportohet se litari ishte prerë, duke bërë që trupi i tij të përfundonte në dyshemenë e magazinës, e cila duket se është përdorur herë pas here si strehim nga të huaj.
Mendohet se vdekja ka ndodhur të paktën 5 ditë para gjetjes së kufomës, nisur nga dekompozimi i avancuar. Autoritetet menjëherë shkuan në vendngjarje dhe po kryejnë një hetim për rrethanat e vdekjes, pa përjashtuar as mundësinë e një akti kriminal.
Trupi u transferua në Shërbimin Mjekësor Ligjor të Larisës për një autopsi, me qëllim përcaktimin e saktë të shkaqeve dhe kohës së vdekjes./ Zoom.al
