Një ngjarje e rëndë është shënuar këtë të mërkurë në Volos, ku një shpërthim i fuqishëm në një pallat banimi ka shkaktuar humbjen e jetës së dy personave.

Sipas raportimeve, shpërthimi ndodhi në zonën e Agia Paraskevi, pak para orës 15:00, duke tronditur të gjithë lagjen dhe duke krijuar panik te banorët përreth. Si pasojë e ngjarjes, dy gra, rreth moshës 80 dhe 60 vjeçe, humbën jetën.

Nga shpërthimi mbeti i plagosur edhe një person tjetër më i ri, i cili u transportua me urgjencë në spital për të marrë ndihmë mjekësore.

Të dhënat paraprake sugjerojnë se shkaku mund të ketë qenë shpërthimi i një bombole gazi, e lidhur me një pajisje gatimi, megjithatë autoritetet greke kanë nisur hetimet për të përcaktuar saktësisht rrethanat e incidentit./ Zoom.al

Postime të lidhura

• 
  Tragjedi në Itali, dy viktima pas shpërthimit në një banesë të braktisur
• 
  Tronditëse në Greqi: Djali vret nënën dhe motrën, i fsheh në shtëpi