Me anë të një postimi në rrjetin social “X”, Von Cramon shtoi se Serbia duhet të ndalojë së turpëruari veten dhe duhet të lejojë menjëherë kalimin e qytetarëve që kanë pasaportën e Kosovës.

“Serbia duhet të ndalojë së turpëruari veten dhe t’i lërë qytetarët që posedojnë letërnjoftimin/pasaportën e Kosovës të kalojnë menjëherë kufirin! Duhet të sigurohet liria e lëvizjes së të gjithëve, pa diskriminim në bazë të kombësisë”, ka shkruar Cramon “X”.

Një hap i tillë nga Serbia vjen pasi ditën e djeshme në Asamblenë e Këshillit të Europës u votua pro anëtarësimit të Kosovës në KiE.

Bllokimet nisën vetëm pak orë pasi Kosovës iu hap rruga për anëtarësim. Fillimisht 4 autobusë me kosovarë në kufi me Kroacinë dhe më tej në të gjitha pikat. Qeveria e Kosovës njoftoi qytetarët që të shmangin kalimet nëpërmjet Serbisë. /ZOOM.AL/