Avokati Tony Buzbee tha se disa nga paditësit përfshijnë të mitur të cilët janë abuzuar kur ishin 9 vjeç.

“Kjo është një çështje e rëndësishme që ne synojmë ta ndjekim në mënyrë agresive,” u tha Buzbee gazetarëve.

Erica Wolff, një avokate që përfaqëson Combs, deklaroi se reperi  kategorikisht i mohon akuzat, duke shtuar se janë të rreme.

Por, Buzbee deklaroi se ai dhe ekipi i tij “nuk do të lënë gur pa lëvizur për të gjetur palët e mundshme përgjegjëse” në abuzimin e supozuar, ose “çdo individ apo ent që ka marrë pjesë ose ka përfituar nga kjo sjellje skandaloze”.

Wolff theksoi se Combs “pret me padurim të provojë pafajësinë e tij dhe të shfajësohet në gjykatë, ku e vërteta do të vërtetohet bazuar në prova, jo në spekulime”.

Combs u arrestua javën e kaluar dhe po përballet me akuza penale për shantazh dhe trafikim seksual. Ai aktualisht është në paraburgim federal pasi iu mohua lirimi me kusht, të cilin ai po e apelon. Ai ka mohuar të gjitha akuzat.