Ky kriter përcaktohet në rregulloren e re të AMP të miratuar nga qeveria, e cila është botuar në fletoren zyrtare prej datës 2 shtator.

Ja çfarë shkruhet në rregullore:

“Punonjësi është përgjegjës për përdorim të lëndëve narkotike nëse: Mban lëndë narkotike në mënyrë të jashtëligjshme; Përdor lëndë narkotike; Refuzon t’i nënshtrohet testit të përdorimit të lëndëve narkotike”.

Ky institucion që tashmë drejtohet nga Ardi Veliu, sipas rregulles, stafit i kërkohet të jenë të kujdesshëm edhe në përdorimin e rrjeteve sociale duke treguar integritet përgjegjshmëri.

“Punonjësi i Agjencisë nuk duhet të japë leksione, të marrë pjesë në ndonjë diskutim publik, ose në ndonjë program televiziv apo radiofonik, të prononcohet apo botojë në median e shkruar, të bëjë postime në rrjete sociale, mbi çështje që lidhen me punën e Agjencisë, pa miratimin paraprak të drejtorit të përgjithshëm të Agjencisë. Punonjësit që autorizohen për paraqitjen në median vizive, duhet të jenë me veshje zyrtare”,  thuhet në rregullore.