Kryeministri Edi Rama zhvilloi sot një takim zyrtar me presidentin francez Emmanuel Macron në Pallatin Élysée në Paris, ku në qendër të diskutimeve ishin procesi i integrimit europian të Shqipërisë, investimet franceze dhe forcimi i marrëdhënieve dypalëshe.
Gjatë takimit, u konfirmua vullnetin për thellimin e bashkëpunimit strategjik mes Tiranës dhe Parisit në fusha të ndryshme.
Sipas njoftimeve zyrtare, dy liderët diskutuan ecurinë e negociatave të Shqipërisë me Bashkimin Europian, ku Franca konsiderohet një nga mbështetëset kryesore të perspektivës europiane të vendit.
Një pjesë e rëndësishme e bisedimeve iu kushtua edhe projekteve konkrete të bashkëpunimit ekonomik dhe investimeve franceze në Shqipëri. Mes tyre u përmendën projekti për liceun francez në Korçë, nismat e mbështetura nga Agjencia Franceze për Zhvillim në sektorët e energjisë dhe mjedisit, si dhe mundësitë e reja të bashkëpunimit në infrastrukturë, transport dhe mbrojtje./ Zoom.al
