Motivet pas vrasjes brutale të pronarit grek dhe shqiptarit, ngjarje që ndodhi mbrëmjen e së dielës së kaluar (5/10) në një kamping në Greqi duket se janë personale ose ekonomike.
Sipas informacionit nga protothema.gr, hetuesit e policisë greke (EL.AS.) që po trajtojnë rastin tashmë kanë përjashtuar si motiv grabitjen dhe duken të bindur se pas sulmit fshihen motive të tjera, më personale. Duke marrë parasysh dy sulmet që pronari i kampingut dyshohet se ka marrë në të kaluarën nga një person i panjohur (nuk ka përmendur ndonjë person të veçantë para Autoriteteve), policia po shqyrton mundësinë që të jetë i njëjti autor.
Pyetjet kryesore që duhet të përgjigjen janë dy: E para, nëse autori dhe viktimat njiheshin dhe në çfarë mënyre; e dyta, nëse ekziston dikush që do të kishte përfituar nga vdekja e pronarit të kampingut dhe që ndoshta mund të kishte “porositur” vrasjen e tij. Kjo sepse viktima zotëronte një pasuri të konsiderueshme dhe sipas informacioneve kishte emëruar si trashëgimtarë të vetëm kujdestarin që u vra dhe një të afërm të tij. Për këtë arsye, policia po analizon të gjitha kontaktet e viktimës për të përcaktuar nëse ai mbanin marrëdhënie me persona që ndoshta do të donin t’i bënin keq.
Fakti që motivet janë personale duket edhe nga mënyra sesi veproi autori i ri. Ai la motorin e tij në hyrje të ambientit, hyri në vend duke ecur pa fshehur tiparet e fytyrës (ndoshta e dinte që nuk kishte kamera në zonë), u ndal përballë pronarit të kampingut dhe kujdestarit dhe i vrau qëllimisht. Më pas, pa marrë asnjë objekt nga vendi, u kthye te automjeti i tij dhe iku.
