Teksa operacioni i bujshëm i SPAK për dosjen voluminoze të përgjimeve të partnerëve evropianë të platformës së koduar SKY ECC, po vijon në Elbasan, zbardhen 23 nga emrat e të arrestuarve, të kërkuarve dhe të dyshuarve për aktivitet të grupit të strukturuar kriminal, organizatë kriminale, vrasje dhe trafiqe. Në total janë mbi 35 fletë-arresti.
Bëhet fjalë për goditjen e të paktën 3 klaneve mafioze në qytet, ku mes tyre dallon emri i të shumëkërkuarit të dosjes “Plumbi i artë”, Talo Çela, i rrëfyer nga ish-miku i kthyer në armik i tij, i penduari Nuredin Dumani. Megjithë disa operacione të kryera më parë, policia ka dështuar në lokalizimin e Çelës, edhe pse besohet se jeton brenda vendit.
Por nuk rrinë pas edhe emrat e fisit Çopja, një tjetër grup kriminal me aktivitet jashtë vendit, kryesisht në Belgjikë dhe i përmendur vite më parë për përfshirje në vrasje mes Elbasanit dhe Belgjikës apo Italisë.
Gjithashtu ka dhe emra nga fisi Mema dhe 3 prej të arrestuarve janë femra. Një prej tyre gjyqtarja e Elbasanit, pajtime Fetahu, aq shumë e lakuar për vendimet skandaloze në shumë dosje të bujshme apo lirim personash të inkriminuar. Në listën e të arrestuarve edhe nëndrejtori i Burgut Bradashesh. Në total SPAK dhe GJKKO kanë lëshuar dhe miratuar mbi 35 fletë-arresti, që policia me FNSH dhe RENEA po i ekzekuton prej mbrëmjes së djeshme.
Lista e të arrestuarve dhe fletë-arresteve:
-Talo Çela
-Altin Kamami
-Rexhino Doci
-Arben Lamcja
-Arsen Mema
-Eljo Bitri
-Leam Rragami
-Elvis Daka alias Dragoviç
-Dorjan Dyli
-Matilda Hoxholli
-Denada Todi
-Flobenc Mecja
-Armis Stafa
-Maksim Koci
-Erzen Çopja
-Franc Çopja
-Hajdar Bako alias Çopja
-Mikael Qosja
-Maetin Musaj
-Guri Biba
-Pajtime Fetahu
-Renato Masuku
-Leonardo Rragami
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
