Aktivisti Mirsad Basha ka reaguar ashpër ndaj situatës së krijuar në bregun e Velipojës, të cilin e ka cilësuar një “katastrofë mjedisore”. Në një postim, ai thekson se reshjet e shumta në veri kanë fryrë lumenjtë dhe kanë sjellë në breg çdo mbeturinë që njerëzit kanë hedhur pa kujdes ndër vite.
“Kjo katastrofë mjedisore që po përjetojmë në bregun e Velipojës është një kujtesë e fortë se natyra gjithmonë na kthen atë që i japim”, shkruan ai.
Ai njoftoi se më 10 dhjetor do të zhvillohet një aksion i madh pastrimi në zonë dhe u bëri thirrje qytetarëve t’i bashkohen.
“Në këto ditë që vijnë, po përgatitemi për një aksion të madh pastrimi, sepse kjo tokë është e jona dhe përgjegjësia për ta mbrojtur është e përbashkët,” theksoi aktivisti.
Postimi i plotë: Kjo katastrofë mjedisore që po përjetojmë ne bregun e Velipojës është një kujtesë e fortë se Natyra gjithmonë na kthen atë që i japim.
Pas reshjeve të shumta në veri, lumenjtë janë fryrë e përrojtë janë mbushur deri në skaj. Uji ka marrë me vete çdo mbeturinë që njeriu ia ka hedhur tokës me pakujdesi dhe sot ajo po na i kthen para syve pasojat e veprimeve tona.
Këto ditë që vijnë, po përgatitemi për një aksion të madh pastrimi, sepse kjo tokë është e jona dhe përgjegjësia për ta mbrojtur është e përbashkët.
Aksioni i madh me datë 10 Dhjetor.
Ju ftojmë të na bashkoheni në terren ose të kontribuoni për të siguruar mjetet, autobusat dhe mbështetjen e nevojshme për këtë aksion.
/Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
