Pesë shtetas shqiptarë të shpallur në kërkim ndërkombëtar janë arrestuar në Dubai në kuadër të një operacioni të përbashkët mes autoriteteve shqiptare dhe homologëve në Emiratet e Bashkuara Arabe.
Sipas njoftimit të Interpol Tirana, operacioni i koduar “The Wanted” çoi në lokalizimin dhe kapjen e personave të kërkuar, të cilët prej kohësh fshiheshin në Dubai për t’iu shmangur drejtësisë shqiptare.
Autoritetet bëjnë me dije se arrestimi i tyre është kryer me qëllim ekstradimin drejt Shqipërisë, ndërsa procedurat ligjore për kthimin e tyre kanë nisur tashmë.
Sipas Policisë së Shtetit, katër prej të arrestuarve dyshohen për përfshirje në veprimtari kriminale që lidhen me trafikun e narkotikëve, ndërsa një tjetër akuzohet për mashtrim kompjuterik.
Shtetasit e arrestuar janë Kristo Qirici, Shkelzen Kraja, Ilir Lazri, Aleks Pepaj dhe Merxhan Celiku./ Zoom.al
