Një 36-vjeçar humbi jetën këtë të enjte në Shëngjin.
Ngjarja e rëndë ndodhi në ambientet e një objekti në ndërtim në Kune.
Sipas policisë, 36-vjeçari ra aksidentalisht në vendin ku do të vendosej ashensori i objektit që po ndërtohej. Ai ishte në orar pune dhe pas aksidentit, ndërroi jetë në vend.
Shërbimet e Policisë dhe të zjarrfikëses kanë shkuar menjëherë në vendngjarje dhe kanë bërë të mundur nxjerrjen e trupit të viktimës.
Grupi hetimor ndodhet në vendngjarje dhe po punon për sqarimin e plotë të rrethanave./ Zoom.al
