Gjatë orëve të fundit, rrjetet sociale janë përfshirë nga aludime se moderatorja e njohur Argjira Spanca mund të jetë në pritje të ëmbël.
Spekulimet, të shoqëruara edhe me emrin e partnerit të saj, balerinit Graciano Tagani, u përhapën me shpejtësi dhe u kthyen në temë diskutimi në mediat rozë.
Për t’i dhënë fund paqartësive, Argjira ka vendosur të reagojë vetë. Përmes një postimi në Instagram, ajo iu përgjigj drejtpërdrejt pyetjeve të ndjekësve, duke sqaruar qartë situatën.
“Nuk jam shtatzënë”, ishte deklarata e saj e prerë, me të cilën moderatorja hodhi poshtë thashethemet që po qarkullonin.
Megjithatë, ajo nuk e fshehu faktin se dëshira për të krijuar familje është pjesë e planeve të saj dhe të Gracianos. Argjira theksoi se ky është një kapitull i rëndësishëm dhe i ndjeshëm i jetës, për të cilin kërkoi mirëkuptim dhe respekt për privatësinë.
“Ka gjëra që nuk varen gjithmonë nga ne”, u shpreh ajo, duke lënë të kuptohet se çdo hap do të vijë në momentin e duhur.
