Trajneri i Benfikës, Jose Mourinho, ka mohuar se është në bisedime me presidentin e Real Madridit, Florentino Perez, për një rikthim të mundshëm në klub.

Mourinho këmbëngul se fokusi i tij i menjëhershëm mbetet në Portugali, megjithëse nuk e ka përjashtuar mundësinë e një largimi nga klubi gjatë verës.

“Nuk kam pasur asnjë kontakt, as me presidentin dhe as me asnjë nga figurat kryesore, dhe me vendimin tim, ashtu siç kam bërë në situata të ngjashme gjatë gjithë karrierës sime, veçanërisht tani, në fazat e fundit të sezonit, nuk flas me askënd.

Nuk kam pasur asnjë kontakt me Real Madridin, aspak, dhe nuk do të kem asnjë deri pas ndeshjes së fundit të ligës kundër Estoril.

Pastaj ka një dritare njëjavore, gjatë së cilës do të jem i lirë të flas me këdo që mendoj se duhet të flas, por të gjitha historitë që kanë qarkulluar,kërkesa, takime, janë të gjitha spekulime”, tha ai.