Shqipëria do të ndikohet të enjten nga kushte atmosferike relativisht të paqëndrueshme, duke sjellë alternime mes kthjellimeve dhe vranësirave gjatë ditës.
Sipas parashikimit meteorologjik, orët e para të ditës do të karakterizohen nga mot kryesisht i kthjellët në pjesën më të madhe të vendit. Ndërsa pas mesditës pritet shtim gradual i vranësirave, veçanërisht në zonat malore të lindjes, ku do të ketë edhe reshje të herëpashershme shiu me intensitet të ulët.
Në orët e mbrëmjes, vranësirat do të bëhen më të dendura duke nisur nga veriu i vendit dhe më pas do të shtrihen gradualisht në territorin shqiptar. Reshjet e shiut do të përfshijnë fillimisht zonat veriore, për t’u përhapur më pas edhe në rajone të tjera.
Meteorologët parashikojnë që në zona të veçanta reshjet të marrin karakter shtrëngatash afatshkurtra, të shoqëruara me shkarkesa elektrike. Në raste të izoluara nuk përjashtohet edhe rënia e breshërit.
Sa i përket erës, ajo do të fryjë kryesisht nga perëndimi me një shpejtësi mesatare prej rreth 7 metra në sekondë. Përgjatë vijës bregdetare dhe në zonat luginore, era mund të forcohet herë pas here duke arritur deri në 14 metra në sekondë.
Ndërkohë, deti paraqitet relativisht i qetë, me valëzim nga 1 deri në 3 ballë në detet Adriatik dhe Jon./ Zoom.al
Rekordet e Kupës së Botës, Messi dhe Mbappe “kërcënojnë” disa prej arritjeve historike
